የኢትዮጵያ የሴቶች ፕሪምየር ሊግ አንደኛ ሳምንት እንድምታዎች።

Thu 12 Dec 2019 Dawit Habet

የ2012 የኢትዮጵያ የሴቶች ፕሪምየር ሊግ በአራት ጨዋታ ጅማሮውን አድርጓል፡፡በመጀመሪያ ሳምንት ጨዋታዎች የታዘብናቸውና ትኩረት የሚሹ ነገሮች  ምን ምን ተከናወኑ የሚሉ ጎዳይዎችን በዚህ መልኩ ተመልክተናቸዋል።

አወዳዳሪ አካል (የሴቶች ልማት ኮሜቴ)-በሴቶች ኮሜቴ የሚመራው የኢትዮጵያ የሴቶች ፕሪምየር ሊግ በመጀመሪያ ሳምንት ጨዋታዎች የተስተዋሉ ችግሮች የውድድር መራዘም፣የጨዋታ ሰዓት መለወጥ ፣ሜዳ መቀየር፣በመጠኑ የተስተዋሉ ችግሮች ነበሩ። ይህም እንደማሳያ አቃቂ ቃሊቲ ክ/ከተማ ከ ሀዋሳ ከተማ በውጣለቸው ፕሮግራም መሰረት ባንኮች ሜዳ በ10 ሰዓት ይደረጋል ቢባልም። ለኢትዮ.ንግድ ባንክ የሜዳ ፍቃድ ደብዳቤ የሊጎ ኮሜቴ በሰዓቱ ማስገባት ባለመቻላቸው ምክንያት ክለቦችን ለእንግልት ተዳርገዋል።
ይህም ሁኔታ በቀጣይ በፍጥነት የእርምት አርምጃ ተወስዶ መፍትሔ የሚገባው ጉዳይ ነው።

የሴቶች ፕሪምየር ሊግ ጨዋታ ፕሮግራም-የኢትዮጵያ የሴቶች ፕሪምየር ሊግ የሀገሪቷ ከፍተኛ ሊግ መሆኑ የሚታወቅ ነው ነገር ግን የሴቶች ሊግ ኮሜቴ ከወንዶች ፕሪምየር ሊግ የጨዋታ ፕሮግራም ጋር አንድ ላይ ማውጣቱ ከፍተኛ ትኩረት እንዲያጡ እያደረጋቸው ይገኛል። የሴቶች ሊግ እራሱን ችሉ ውድድሩን ማድረግ ቢቻል እና ከቀትር 8፡00የሚደረጎ ጨዋታዎች ለተጫዋቾች እና ተመልካች ማየት በማይችልበት ሰዓት መደረጉ አግባብ እና ለሴቶች እግርኳስ ትኩረት አለመስጠቱን የሚያሳይ መሆኑን መመልከት ችለናል።

የህክምና አገልግሎት ሰጪ ተቋማት በወቅቱ አለመገኘት።

ከዚህ ቀደም በነበረው አካሄድ በየጨዋታዎቹ ሜዳ ተጫዋቾች ከበድ ያለ ጉዳት ቢደርስባቸው በፍጥነት የተሻለ ህክምና የሚሰጡ ባለሙያዎች(ጠብታ አንቡንላስ) ነበር። ሆኖም ጅማሬውን ባደረገው የሴቶች ፕሪሚየር ሊግ በተለይ በአአ ስታድየም ሁለት ጨዋታ ላይ ምንም ዓይነት የመጀመርያ ዕርዳታ ሰጪ የህክምና አገልግሎት ተቋም አለመኖር ከፍተኛ ክፍተት ነው። ስለዚህ አወዳዳሪው አካል በቀጣይ ትኩረት በመስጠት ሊያስተካክለው የሚገባ ጉዳይ ነው።

የሄለን እሸቱ ሐትሪክ እና ጥሩ እንቅስቃሴ ።

በመጀመሪያ ሳምንት የኢትዮጵያ የሴቶች ፕሪምየር ሊግ ባሳየችው እንቅስቃሴ እና በመጀመሪያ ጨዋታ ላይ ሦስት ጎሎች ማስቁጠሯ በመስመር የምታደርገው ፈጣን የማጥቃት ሚና ዘንድሮ በሊጉ ከወዲሁ በብዙዎች ዘንድ ተስፋ የተጣለባት ተጫዋች ሆናለች፡፡ 

-ክለቦች እራሳቸውን አጠንክረው
መምጣታቸው ይበል የሚያሳይ ሲሆን ሜዳ ላይ የሚያሳዩት እንቅስቃሴ ጥሩ የሚባል እና ተመጣጣኝ መሆኑን ተመልክተናል። አንዳንድ ክለቦች የሚጠቀሙበት ማሊያ ለውድድሩ የማይመጥን እና ቁጥሩ የማይታይ በይዘትም ሆነ በቀለም የማይገናኝ መለያን ለብሰው ተመልክተናል፡፡

የተወሰነ ውሳኔ እስከ መጨረሻው አለማጽናት

ኢትዮ.ኤሌክትሪክ እን አሰልጣኝ እየሩሳሌም ነጋሽ በገቡት አለመግባባት ፌዴሬሽኑ በመሀል በመግባት ለእየሩሳሌም ውሳኔ በመወሰን ኢትዮ.ኤሌክትሪክ ከፌዴሬሽኑ የሚያገኘውን አገልግሉት አግዱ በስተመጨረሻም ጨዋታውንም አራዝሟል። በዚህ ውሳኔ ኢትዮ.ኤሌክትሪክን ባቻ ሳይሆን ተጋጣሚው ድሬደዋ ከተማ ያለምንም ጥፋቱ እንግልት ደርሱበታ።

አስገራሚው ነገር ከዚህ የቅጣት አተገባበር ጋር እገዳውን በማንሳት ኢትዮ.ኤሌክትሪክን አገልግሉት ማግኝት መቻሉ ብዙዎችን ያስገረመ ውሳኔ ሆኗል።
ፌዴሬሽኑ ተግባራዊ ከማድረግ ይልቅ ውሳኔው በቅድመ ሁኔታ የሚሻርበት አካሄድ ቅጣቶች እንዳይፈሩና ተመሳሳይ ጥፋቶችን ለማድረስ የልብ ልብ የሚሰጡ በመሆኑ በቀጣይ ሊታረሙ ይገባቸዋል።


የኢትዮጵያ ሴቶች ፕርሚየር ሊግ ቁጥራዊ መረጃዎች !

የኢትዮጵያ ሴቶች ፕርሚየር ሊግ የአንደኛ ሳምንት ጨዋታዎች በዚህ ሳምንትም ሲካሄዱ ከአንድ ቀሪ ተስተካካይ ጨዋታ በቀር በትናትናው ዕለት ተጠናቋል፡፡ 

ለዛሬ የአንደኛ ሳምንት የኢትዮጵያ ሴቶች ፕርሚየር ሊግ ቁጥራዊ መረጃዎችን ፡

– የተደረጉ ጨዋታዎቸ - አራት
 
– የተቆጠሩ ጎሎች - 7 (  ይህም በጨዋታ በአማካይ 1.405 ጎሎች ይቆጠራሉ )

– የቢጫ ካርድ - 6

– የቀይ ካርድ - ዜሮ 

 – ግብ ያስቆጠሩ ተጫዋቾች ብዛት - አምስት

 – ኮከብ ግብ አግቢ - ሔለን እሸቱ (ሦስት ጎሎች)

– የውድድሩ የመጀመርያ ጎል ሽታዬ ሲሳይ (38ኛው ደቂቃ)
-የውድድሩ የመጀመሪያ ቢጫ ካርድ እመቤት አዲሱ
-የውድድሩ ብዛት ጎል የገባበት መከላከያ ከ አ.አ ከተማ (መከላከያ 3 ጎል)
– የመከላከያዋ መስመር አጥቂ ሔለን እሸቱ የውድድር አመቱን የመጀመሪያ ሐትሪክ የሰራች ተጫዋች ሆናለች ::


ሁለተኛ ሳምንት

ተጨማሪ

Wed 22 Jan 2020
የቅርብ ጊዜ ዜናዎችን ያግኙ
email